أكبر خيانات العمر .

أكبر خيانات العمر .

كل ما الحزن في قلبي نما
قلت طيبي يا تصاريف الدهر...


وكل ما الدمع من عيني هما
قلت جودي يا عيوني وانهمر ...


يوم فكر يغدرني ما رما
لين حدّد طعنته لي فالظهر ...


ليت جفني قبل خذلانه عما
ولا لمحت أكبر خيانات العمر ...


بعتبرها كبوة حصان إنما
غلطة الشاطر تعلمه الحذر ...


لا ادبرت دنياك والحامي حما
الصبر ثم الصبر ثم الصبر ...


ربما يخونك عدوك ربما
بس خلّك طعنته ادهى وأمر ...


لوبيده حنّا كفينه دما

من عروقك يرسم أوراق وزهر ...


لو يشوفك هالكن ميت ظما
مايغيثك لو على جاله نهر ...


الزمن لعبة تماسيح ودما
وأنت وحدك ميتن فيها قهر ...


وإلا أنا كل ما همي نما
قلت يا ربي يعديها وتمر ...


والثريا عانقت حدّالسما
ماعليها من تخاريف البشر ...

رووووعة تسلمى

تسلمممى على المروووور